MILAN
– 15 Shkurt 2013
Klubi i Milan solidarizohet me sulmuesin e Inter Diego Milito pas dëmtimit të rëndë që pësoi dje në ndeshjen e Europa League Inter-Cluj dhe që do ta mbajë jashtë fushave të lojës deri në përfundim të sezonit.
Me një mesazh në faqen e tij në internet klubi kuqezi shpreh mbështetjen e klubit dhe të gjithë milanistëve për "El Principe-n".
"Gjithë Milani është thellësisht i mërzitur për dëmtimin e rëndë dhe i qëndron pranë kampionit të madh Diego Milito, kundërshtar i mrekullueshëm në shumë sfida dhe i uron të rikthehet sa më shpejt në fushë", thuhet në mesazhin e Milan.
Një shembull i bukur fair-play dhe solidarizimi nga ana e klubit kuqezi
/(e.s) albaniabet/
