Premiere League – 09 Shkurt 2013
Menaxheri i Arsenalit, Arsene Wenger, ka shprehur pakënaqësinë e tij rreth njoftimeve për montime të ndeshjeve anekënd Evropës, mirëpo zotohet se diçka e tillë nuk ndodh në Angli.
Europoli ka raportuar 680 raste të korrupsionit në futboll, ndërsa njëri nga to është nga një ndeshje e vitit 2009, në të cilën ka luajtur Liverpooli.
Megjithatë, strategu francez hedh poshtë mundësinë e ekzistimit të rasteve të tilla në futbollin anglez duke thënë fjalë të mira për transparencën e gjyqtarëve.
"Nuk mendoj se diçka e tillë është pjesë e futbollit anglez. Prandaj na duket shokuese, sepse jemi të bindur se jetojmë në një botë në Angli, e cila nuk është një botë e përsosur, por nuk mendoj se mashtrimet dhe montimet ekzistojnë”.
"Personalisht, jam i bindur se futbolli anglez është qind për qind i pastër nga mashtrimet. Nuk mendoj se gjyqtarët janë të korruptuar”, u ka thënë Wenger gazetarëve.
/(e.s) albaniabet/
