Juventus – 22 Shkurt 2013
Juventus nxiton të gjejë pasardhësin e Andrea Pirlos. Favoriti mbetet ende Marco Verratti, regjisori 20-vjeçar i Paris Saint Germain, i kërkuar ditët e fundit edhe nga presidenti i Milan, Silvio Berlusconi. Por sipas "Corriere dello Sport", vëmëndja nuk do të jetë vetëm mbi Verrattin, edhe pse në këtë rol mund të luajnë si Pogba ashtu edhe Marrone.
Për këtë arsye, Marotta dhe Paratici po vlerësojnë hipotezat për të sjellë në Torino një futbollist me karakteristika më të ndryshme, ndoshta edhe më pak ofensiv. Emri më i lakuar është ai i Gaston Ramirez, ish uruguajani i Bolognas që luan për Southampton, ndërsa tjetri ai i Juan Fernando Quintero, lojtari i Pescaras që kërkohet edhe nga Inter.
/(e.s) albaniabet/
