Bayern Munchen – 18 Janar 2013
Ardhja e Pep Guardiolës te Bayern Munchen po komentohet si një hap i madh për futbollin gjerman. Ish trajneri i Barcelonës, i cili fitoi gjithçka me këtë skuadër pritet ta rikthejë Bayernin në epokat e lavdishme si në Bundesligë ashtu edhe në Champions League.
Por nga Pep Guardiola pritet të përfitoj shumë edhe gjilanasi i Zvicrës, Xherdan Shaqiri, talenti që është krahasuar shpesh me Lionel Messi.
"A është Xherdan Shaqiri, Lionel Messi i ri? Të dy janë 169 centimetra të gjatë. Të vegjël por eksplosiv”, shkruan Blick.
"Guardiola ka treguar me taktikat e tij se gjatësia për të nuk është faktor kryesor. Ai në punën e tij anagazhon shumë trupshkurtër si Xavi, Messi apo Iniesta. Xherdani i ka të gjitha që kërkon Guardiola”, është shprehur trajneri i kombëtares zvicerane, Otmar Hitzfield.
/(e.s) albaniabet/
