PSG – 12 Shkurt 2013
Champions League rikthehet me ndeshjet e turit të 1/16-ave dhe, përveç sfidës Celtic-Juventus, një tjetër përballje e vështirë luhet në "Mestalla". Bëhet fjalë për ndeshjen Valencia-PSG, apo më mirë një mini-sfidë mes Roberto Soldados dhe Zlatan Ibrahimoviç. Spanjolli, në këtë edicion në Europë, ka shënuar deri tani 4 gola, ndërsa suedezi është ndalur në kuotën e 2 të tillave.
Zlatan, i cili zakonisht nuk arrin të jetë deçiziv në Europë, kërkon të bëjë kthesën këtë sezon, duke filluar pikërisht nga takimi i parë në transfertë.
Kuotat e basteve japin favorit Valencian, koeficenti i së cilës është 2,35, ndryshe nga vlerësimi ndaj PSG-së, e kuotuar me 2,9. Megjithatë, për kalimin e këtij turi kompanitë e basteve janë të të njëjtit mendim: PSG.
Është e sigurt tashmë që David Beckham nuk do të debutojë me ekipin francez në Champions, pasi nuk është grumbulluar nga trajneri Carlo Ancelotti
/(e.s) albaniabet/