Barcelone – 11 Shkurt 2013
Zherard Pike ka deklaruar se do të jetë tifoz i Mançester Junajtid në supersfidën që kjo skuadër do të luajë përballë Real Madrid, me shpresën që ekipi anglez të jetë ai që do të kalojë në çerekfinalet e Ligës së Kampioneve. "Do të më pëlqente që të kalonte turin Junajtid, për shkak të së kaluarës time aty”, tha futbollisti spanjoll, duke treguar qartë se nuk ka probleme nacionalizmi në këtë mes.
Ai ka zbuluar gjithashtu se vazhdon të jetë në kontakt me shumë prej futbollistëve anglezë të kësaj skuadre, ku u bë i famshëm në fillimet e karrierës së tij.
"Kohët e fundit kam folur me Rio Ferdinand dhe e di që ekipi i tyre është në gjendje shumë të mirë”, deklaroi mbrojtësi që po kalon përsëri një formë të shkëlqyer në këtë sezon.
/(e.s) albaniabet/
