Kombetarja – 18 Janar 2013
Kombëtarja shqiptare është renditur në pozitën e 63-të, në renditjen më të re të FIFA-s, të publikuar të enjten.
Kuqezinjtë nuk e kanë zhvilluar asnjë ndeshje kohëve të fundit, por kanë arritur ta mbajnë vendin e 63-të në ranglistën botërore të kombëtareve të futbollit, të cilën e mbanin edhe muajin e kaluar.
Shqipëria gjendet prapa Sierra Leones dhe përpara Kanadasë. Ekipi i Gianni De Biasit ndeshjen e ardhshme do ta zhvillojë më 6 shkurt në Tiranë me Gjeorgjinë.
Ndërsa, në renditjen e përgjithshme, Spanja vazhdon ta ruajë primatin e Kombëtareve, e ndjekur nga Gjermania dhe Argjentina. Duhet cekur se në dhjetëshen e parë nuk pati kurrfarë lëvizje.
/(e.s) albaniabet/
