Milan – 12 Shkurt 2013
Pavarësisht përgënjeshtrimit nga vetë presidenti Silvio Berlusconi për një largim të Massimiliano Allegrit nga stoli i Milan, sërish nuk mungojnë zërat që e shohin teknikun kuqezi larg Milanellos sezonin e ardhshëm. Vetë padroni i kuqezinjëve kërkon një trajner më "mediatik" dhe më sulmues.
Sipas asaj që raporton "La Gazzetta dello Sport", tekniku toskan kërkon të qëndrojë te Milan për të hapur një cikël të ri, por kërkon garanci. Ndërkohë shikohet edhe përreth: Roma dhe Napoli janë dy pista shumë të mundshme për në verë. Por pa harruar edhe eksperiencën jashtë Italie që e josh jo pak.
Ndërkohë në shtëpinë e Milan qarkullojnë zërat për pasardhësin e tij. Bëhet fjalë për dy rikthime: Filippo Inzaghi dhe Carlo Ancelotti janë në pole-position.
/(e.s) albaniabet/