Napoli – 18 Shkurt 2013
Napoli nuk ka arritur të përfitojë nga humbja e Juventusit një ditë më parë, duke u ndalur vetëm në një barazim pa gola përballë Sampdorias, për të mbetur 4 pikë pas bardhezinjve në renditjen e Serisë A.
Skuadra e Mazarrit, pas provës së dobët që dhuroi në Europa League në mesjavë duke u mundur 3-0 nga Viktoria Plzen, kanë bërë autokritikë me lojë, por jo me rezultat. Pavarësisht një dominimi absolut dhe me raste të shumta të krijuara, ata nuk kanë arritur të çajnë mbrojtjen e ngjeshur të Sampdorias që ka arritur të marrë me shpirt ndër dhëmbë këtë barazim shuam të rëndësishëm për moralin.
Në luftën për mbijetesë, fitore të rëndësishme në këtë javë kanë arritur Xhenoa, Torino dhe Kaljari, që mbërrijnë t’i shkëputen përkohësisht zonës së ftohtë të klasifikimit.
/(e.s) albaniabet/
