Manchester Unitedit
– 11 Shkurt 2013
Menaxheri i Manchester Unitedit, Sir Alex Ferguson beson se ylli i Real Madridit, Cristiano Ronaldo është më i talentuar se legjenda e Los Blancos, Zinedine Zidane, derisa skuadrat përgatiten të ndeshen në kuadër të 1/8 së finales në Ligën e Kampionëve.
Ylli portugez u bë futbollisti më i shtrenjtë në botë pas transferimit nga Old Trafford në Bernabeu më 2009 për 94 milionë euro. Dhe, ish trajneri i tij nga United, beson se ai ka aftësi të tejkalojë francezin e famshëm.
"Florentino Perez i kishte të gjithë Galaktikët në Real Madrid gjatë kohës kur ishte president për herë të parë. Figo, Zidane, Roberto Carlos, Raul. Por, nuk mendoj se asnjëri prej tyre ishte i mirë sa Ronaldo. Zidane ishte futbollist fantastik, Figo po ashtu. Por, asnjëri nuk ishte i mirë sa Ronaldo. Ai ka thyer të gjitha rekordet atje. Ka mposhti Di Stefanon, Puskasin, Hugo Sanchezin. Dhe, pa dyshim se do të hyjë në histori”, deklaroi Ferguson.
/(e.s) albaniabet/
