Sideny
– 21 Shkurt 2013
Alesandro Del Piero ka konfirmuar se do të qëndrojë për një tjetër vit në radhët e Sidneit. Ish-kapiteni i Juventusit iu bashkua klubit australian në shtator, pasi nënshkroi kontratën më të lartë sportive në historinë e Australisë, një marrëveshje që ka rritur reputacionin e futbollit në këtë vend dhe ka ndihmuar shumë klubin duke siguruar më shumë të ardhura falë marketingut me imazhin e italianit.
"Jam shumë i lumtur që do të qëndroj te Sidnei për një tjetër sezon. E kam thënë gjithmonë që dua të vazhdoj edhe në sezonin e ardhshëm, por më parë duhet të punojmë shumë në fushë që të kemi sukses që në sezonin aktual”, tha Del Piero duke shpjeguar vendimin e tij.
11 gola në 18 ndeshje për sulmuesin kanë ndihmuar ekipin e Sidneit të ngjitet nga vendi i fundit në tabelën e klasifikimit, në zonën e playoff. Por ana sportive ka kaluar në plan të dytë, pasi popullariteti i këtij sporti është rritur ndjeshëm që nga momenti kur Del Piero mbërriti në Australi, duke bërë që të shkurtohet disi diferenca me sportin e ragbi që është shumë popullor në këtë vend.
/(e.s) albaniabet/
