Rusi – 18 Janar 2013
Selektori i Rusisë, Fabio Capello mendon se është gabim nëse ndonjë skuadër synon të kopjojë stilin e lojës së Barcelonës.
Strategu i mirënjohur italian ishte pjesëmarrës në forumin treditor të menaxherëve dhe trajnerëve të organizuar nga Federata angleze e Futbollit. Aty u diskutua evoluimi i futbollit, teknologjia e re dhe stilet e ndryshme të lojës.
"Aktualisht, nga aspekti taktik, Barcelona është shembull që duhet përcjell por do të ishte gabim i madh nëse mundoheni të kopjoni stilin e lojës së tyre sepse ai është i përshtatur për futbollistët e saj. Disa aspekte të lojës mund të kopjohen, si për shembull mbrojtja. Kur humbni topin, të gjithë vejnë kundërshtarët nën presion pa u kthyer prapa në mesfushë. Sipas meje edhe kjo është diçka e re. Por, ju nevojiten futbollistë të talentuar si Iniesta ose Messi”, u shpreh Capello.
Barcelona përveç stilit të saj të futbollit sulmues njihet edhe për krijimin e lojës me pasime të shpeshta – e ashtuquajtur tiki-taka – që bazohet kryesisht në aftësitë e lojës imagjinatave të mesfushorëve si Xavi e Iniesta por edhe ‘makinës’ së golave, Lionel Messi.
/(e.s) albaniabet/
