Milan
– 20 Shkurt 2013
"I dëgjoj dhe i pranoj këshillat e Berlusconit, por në fund evendos unë formacionin". Këto janë fjalët e Massimiliano Allegrit, trajnerit të Milanit, në konferencën për shtyp para ndeshjes Milan-Barcelona (të mërkurën, ora 20:45), duke iu përgjigjur një pyetjeje mbi sugjerimin e presidentit të kuqezinjve për të markuar tek për tek Messin.
Të luash kundër Barcelonës – Kemi zhvilluar ndeshje të mira ndaj tyre. Shpresojmë të kalojmë në çerekfinale edhe pse e dimë që Barcelona, pavarësisht se kë ka përballë, fiton 95% të ndeshjeve të saj.
Messi – "Është i pabesueshëm, por të mos harrojmë se edhe Iniesta është nga më të mirët për të dhënë topin e fundit. Duhet të luajmë shumë mirë në mbrojtje. Jam i bindur se do të zhvillojmë një ndeshje të madhe. Ndeshja fillon 0-0 dhe do të mundohemi të marrim një rezultat sa më të mirë për ndeshjen e kthimit".
Berlusconi – "I pres me kënaqësi mendimet dhe këshillat e tij sa herë që flasim, por ata që zbresin në fushë i vendos unë".
/(e.s) albaniabet/